નાટક

નાટક

સંબંધોમાં છે નાટક ઘણા,
સમજાય નહીં એવા પાત્રો ઘણા.
થાકી જાવ ભજવતા ભજવતા,
પૂરા થતા નથી નાટક ઘણા.
કલાકાર બની ગયા જીંદગીના,
સરસ ભજવી ગયા નાટક ઘણા.
સત્યની અહિયા કોને પડી છે,
આવડવુ જોઈયે કરતા નાટક ઘણા.
રંગમંચની કઠપૂતળીઓ છે માણસ,
ઈશ્વરે દોરીથી ભજવ્યા નાટક ઘણા.
ઈશ્વર, તું જોયા કરે ઉપરથી,
ઈન્સાનો કેવા કરે છે નાટક ઘણા
"સપના" ન આવડતુ હોય તો શીખી લે,
આ દુનિયામાં ચાલે છે નાટક ઘણા.

સપના

ક્ષિતીજ

ક્ષિતીજ જેવા,
તારા મારા સંબંધો,
અંતર ઘણા.